Франциянинг “Ницца” клуби Германиянинг “Шальке” клуби билан ўтган мавсумни Англиянинг “Норвич” жамоасида ижара асосида ўтказган ҳимоячи Озан Кабакнинг трансфери бўйича музокара олиб бормоқда. Бу ҳақда журналист Экрем Конур хабар берди.
Эслатиб ўтамиз, 22 ёшли Кабак 2019 йилда Гелзенкирхен клубига "Штутгарт"дан кўчиб ўтганди. Орадан бир ярим йил ўтиб туркиялик футболчи 2020/2021 йилги мавсумнинг иккинчи қисми учун "Ливерпуль" томонидан ижарага олинган. Мерсисайдликлар сафида Озан 13 учрашувда 4 та сариқ карточка ишлаб олди.
Ўтган мавсумда "Норвич" учун Кабак 12 учрашувда гол ура олмади. Туркиялик ҳимоячининг “Шальке” билан шартномаси икки мавсумдан кейин тугайди.
