Fichajes xabariga ko‘ra, "Valensiya" yarim himoyachisi Gonsalo Gedeshga "Roma" qiziqish bildirmoqda.

Manbaning fikricha, 25 yoshli portugaliyalik "ko‘rshapalaklar" bosh murabbiyi Jennaro Gattuzo qurmoqchi bo‘lgan loyihaning bir qismi emas. "Roma" bosh murabbiyi Joze Mourinyo Gedeshni o‘z jamoasi uchun kerak deb hisoblaydi.

25 yoshli portugaliyalikni 2018 yilda "Valensiya"ga "PSJ"dan o‘tgandi. “Ko‘rshapalaklar” yosh futbolchining transferi uchun 40 million yevro sarflagan. Gedesh o‘tgan mavsumda "Valensiya" safida 42 ta o‘yinda maydonga tushib, 13 ta gol urdi va 6 ta golga assistentlik qildi.