"Milan" sardori Alessio Romanyoli "Lasio"ga o‘tishga yaqin turibdi, deb yozmoqda jurnalist Nikolo Skira.

Manbaga ko‘ra, futbolchi allaqachon Rim klubi bilan 2027 yilning yoziga qadar shartnoma imzolagan. Himoyachi "burgutlar" safiga tekinga borib qo‘shiladi, chunki uning "Milan" bilan shartnomasi iyun oyi oxirida tugaydi.

Rimliklar lageridagi futbolchining maoshi yiliga 3,2 million yevroni tashkil qiladi.

27 yoshli Romanyoli o‘tgan mavsumda "Milan" safida barcha turnirlarda 26 o‘yinda maydonga tushib, bitta gol va bitta golli uzatmani amalga oshirgan.