"Милан" сардори Алессио Романьоли "Лацио"га ўтишга яқин турибди, деб ёзмоқда журналист Николо Скира.
Манбага кўра, футболчи аллақачон Рим клуби билан 2027 йилнинг ёзига қадар шартнома имзолаган. Ҳимоячи "бургутлар" сафига текинга бориб қўшилади, чунки унинг "Милан" билан шартномаси июнь ойи охирида тугайди.
Римликлар лагеридаги футболчининг маоши йилига 3,2 миллион еврони ташкил қилади.
27 ёшли Романьоли ўтган мавсумда "Милан" сафида барча турнирларда 26 ўйинда майдонга тушиб, битта гол ва битта голли узатмани амалга оширган.













