"Real Sosyedad" "PSJ" yarim himoyachisi Rafinya Alkantarani o‘z safiga qo‘shib olmoqchi. Bu haqda Marca xabar bermoqda.
Eslatib o‘tamiz, o‘tgan mavsumning ikkinchi yarmida Alkanatra basklar safida ijara asosida o‘ynagandi. Joriy oy oxirida 29 yoshli yarim himoyachi Parijga qaytadi, ammo parijliklar futbolchiga ortiq ishonmaydi.
"PSJ" "Real Sosyedad"dan Alkantara uchun taxminan 5 million yevrolik taklif kutmoqda. Parijliklar 2022/23 yilgi mavsumda ham Rafinyaga maoshning bir qismini to‘lashga tayyor.
Rafinya o‘tgan mavsumda ispan klubi safida La Ligada 16ta o‘yinda maydonga tushib, 1ta gol urgan. Uning "PSJ" bilan shartnomasi 2023 yilning yozida yakuniga yetadi.