"Реал Сосьедад" "ПСЖ" ярим ҳимоячиси Рафинья Алькантарани ўз сафига қўшиб олмоқчи. Бу ҳақда Marca хабар бермоқда.
Эслатиб ўтамиз, ўтган мавсумнинг иккинчи ярмида Альканатра басклар сафида ижара асосида ўйнаганди. Жорий ой охирида 29 ёшли ярим ҳимоячи Парижга қайтади, аммо парижликлар футболчига ортиқ ишонмайди.
"ПСЖ" "Реал Сосьедад"дан Алькантара учун тахминан 5 миллион евролик таклиф кутмоқда. Парижликлар 2022/23 йилги мавсумда ҳам Рафиньяга маошнинг бир қисмини тўлашга тайёр.
Рафинья ўтган мавсумда испан клуби сафида Ла Лигада 16та ўйинда майдонга тушиб, 1та гол урган. Унинг "ПСЖ" билан шартномаси 2023 йилнинг ёзида якунига етади.
