Yarim himoyachi Genrix Mxitaryan tez orada rasman "Inter"ga yangi kelgan futbolchi sifatida tanishtiriladi, deya xabar beradi jurnalist Nikolo Skira.
33 yoshli armanning “Inter”da tibbiy ko‘rikdan o‘tishi 22 iyun, chorshanba kuniga belgilangan. Shundan so‘ng kelishuv rasman tasdiqlanadi.
Kelishuv 2024 yilning iyun oyi oxirigacha imzolanishi kutilmoqda.
2021/22 yilgi mavsumda Mxitaryan “Roma” safida 44 ta o‘yinda maydonga tushib, 5 ta gol urdi va 9 ta golli uzatmani amalga oshirdi. Futbolchining rimliklar bilan shartnomasi 2022 yilning iyun oyi oxirigacha amal qiladi.