"PSJ" hujumchisi Pablo Sarabiya faoliyatini "Atletiko Madrid"da davom ettirishi mumkin. RMC Sport xabariga ko‘ra, ispan klubi futbolchining transferi bo‘yicha muzokaralarni boshlab yuborgan.
29 yoshli vingerning o‘yini "matraschilar" bosh murabbiyi Diyego Simeonega yoqadi va parijliklar rahbariyati futbolchi bilan xayrlashishga qarshi emas.
Sarabiya o‘tgan mavsumni Portugaliyaning "Sporting" klubida ijara asosida o‘tkazdi va u yerda 43 o‘yinda 18 ta gol urdi.
Transfermarkt portali Ispaniya terma jamoasi futbolchisini 25 million yevroga baholadi.