"ПСЖ" ҳужумчиси Пабло Сарабия фаолиятини "Атлетико Мадрид"да давом эттириши мумкин. RMC Sport хабарига кўра, испан клуби футболчининг трансфери бўйича музокараларни бошлаб юборган.
29 ёшли вингернинг ўйини "матрасчилар" бош мураббийи Диего Симеонега ёқади ва парижликлар раҳбарияти футболчи билан хайрлашишга қарши эмас.
Сарабия ўтган мавсумни Португалиянинг "Спортинг" клубида ижара асосида ўтказди ва у ерда 43 ўйинда 18 та гол урди.
Transfermarkt портали Испания терма жамоаси футболчисини 25 миллион еврога баҳолади.