Pep Gvardiola Chempionlar ligasida g‘alaba qozonish uchun Xoland atrofida jamoa qurishga qaror qildi.
“Shaharliklar”ning yangi hujum chizig‘i bor
So‘nggi yillarda “Man Siti” uchun Chempionlar ligasi pley-off bosqichida gollar yetarli bo‘lmadi. Shu sababdan Xolland boshqa xaridorlardan “tortib olindi”. “Shaharliklar” norvegiyalik futbolchining transferi uchun “Borussiya”ga 60 million yevro to‘laydi, biroq Erlingning oilasi va Rayola agentligiga deyarli bir xil mablag‘ to‘langan. Shartnoma mustahkam, norvegiyalik o‘zi uchun ideal sharoitlarni yengib chiqdi, chunki 2024 yilda 150 million yevroga sotib olish opsiyasi ishga tushiriladi. “Real” prezidenti Florentino Peres Mbappe transferi amalga oshmagach, allaqachon pul g‘amlashni boshlagan.
17 million yevroga shartnoma imzolagan Xulian Alvares (“River Pleyt”) jamoa o‘yiniga moslashishi kerak. Shuning uchun Gvardiola Gabriel Jezusni tarkibda saqlab qolishga urinmadi. Braziliyalik futbolchi “Arsenal”ga o‘tadi, uning transferi 45 million yevro va qo‘shimcha bonuslar olib keladi. Ferran Torres uchun klub g‘aznasiga 55 million yevro qo‘shilishini ham hisobga olish kerak. “Siti” Xolandni olib kelish uchun 60 million yevro sarflagan bo‘lsa-da, uning atrofidagilar va Rayola imperiyasining merosxo‘rlariga 49 million yevro to‘lab berildi, ammo Janubiy Amerikalik yosh hujumchi va Yevropaning eng yaxshi yosh markaziy hujumchisini tarkibga jalb qila oldi.
Jamoa transferlar uchun umumiy hisobda 126 million yevro sarflab, futbolchilar sotuvidan 107 million ishlab oldi. Alvares va Xolandda Torres va Jezusdan ko‘ra ko‘proq imkoniyatlar bor. Yana shuni tushunish kerakki, Erling atrofidagilarga to‘lovlar yil bo‘yicha taqsimlanadi, xuddi Torres transferi uchun “Barselona” to‘lagani kabi. Hech qaysi jamoa begona hisob raqamiga bunday “yovvoyi” summalarni o‘tkazmaydi, chunki UEFA qoidalari va soliqlari mavjud.
Kelgusi Chempionlar ligasining favoriti va APLning amaldagi chempioni hisoblangan “Manchester Siti”ning maqomi bunday bitimlarni amalga oshirish imkonini beradi. Mahrez, Foden va Grilish jamoada qoldi, eng muhimi, De Bryuyne jamoa Xolandni qo‘lga kiritganidan xursand, chunki u anchadan beri klassik hujumchi bilan o‘ynashni orzu qilgan edi. Bu masalada Kevin doimo Gvardiola bilan suhbatlashgan.
Rodrigoga o‘rinbosar topildi
Fernandinyo ko‘proq o‘yin amaliyotiga ega bo‘lish uchun boshqa klub izlab ketdi. Jamoa yangi sardorga ega bo‘ladi, markaziy yarim himoyada esa Rodrigoga o‘rinbosar kerak. Ispaniya terma jamoasi futbolchisi Qatarda bo‘lib o‘tadigan Jahon chempionati oldidan o‘zini ehtiyot qilishi kerak. Aks holda JCH oldidan har bir uchrashuvda maydonga tushish og‘ir jarohatlarga sabab bo‘lishi mumkin.
Gvardiola rotasiyaning ashaddiy “muxlisi” emaski, markaziy uchlikda paydo bo‘lganlarning maydondagi harakatlaridan to‘laligicha qoniqish hosil qilgan. Ayniqsa, ikkita o‘rin bandligini hisobga olsak – De Bryuyne va Rodrigo uchun asosiy tarkib kafolatlangan. Ularga o‘rinbosar kerak va u “Lids” futbolchisi Kalvin Fillips hisoblanadi. “Manchester Siti” uni bonuslar bilan birga 52 million yevroga sotib olishi mumkin. Fillips Angliya terma jamoasiga ham chaqiruv olgan va yulduzlar ichida ham o‘zini yo‘qotib qo‘ymadi.
Yakuniga yetgan mavsumda Marselo Byelsa va Jessi Marsh murabbiylik qilgan jamoa APLda o‘z o‘rnini saqlab qolish uchun kurashdi. Fillips dekabr oyida tizzasidan jarohat olib, uch oy maydonga tushmadi. Kalvinning xizmatlariga “MYU” ham qiziqmsh bmldmrgan edi, biroq u Gvardiola bilan kelishuvni qabul qildi. Ochig‘i, hozir uning asosiy tarkib futbolchisi bo‘lish imkoniyati past. Ammo Xosep 27 yoshli futbolchini tayanch zonasida sinab ko‘rishi mumkin. Ushbu qarori orqali futbolchi garchi Angliya terma jamoasidagi o‘rnini xavf ostiga qo‘yayotganini bilib turgan bo‘lsa-da, shu yo‘lni tanlashni ma’qul ko‘rmoqda.
Ammo Gyundogan va Bernardu Silvaning taqdiri sirligicha qolmoqda. Ilkayni “Nyukasl”ga taklif qilishmoqda, ammo nemis futbolchisi u yerga borishni istamasa kerak. Bernardu Silva esa Ispaniyaga o‘tishi mumkin edi, biroq “Barselona” portugaliyalikning transferini ko‘tara olmaydi, chunki 80 million yevro moliyaviy muammolari mavjud klub uchun juda ulkan miqdor. Ammo Silva muzokaralardan qochmaydi. Agar Gyundogan klubdan ketsa, Foden ortga qaytishi, yoki Fillips kuchli uchlikdan joy olishi mumkin. Shuningdek, Gvardiolada zaxira varianti ham bor –Zinchenkoni markaziy yarim himoyachi sifatida sinab ko‘rish va jamoada olib qolish.
Qanot himoyasini mustahkamlash
“Manchester Siti” Zinchenkoning o‘yinga munosabatidan qoniqish hosil qiladi va odatda uni o‘rnak qilib ko‘rsatishadi. Uoker shunday deb yozgan edi: “Aleksandrni jamoada ushlab qoling, u to‘p bilan muomala qilishga ta’sir ko‘rsatadi va o‘rinbosarlar bilan o‘yinni yaxshilaydi”.
Bundan tashqari ukrainalik himoyachi mayda uzatmalarni ham maromiga yetkazib ijro qiladi. Himoya markazida Diash va Stounz asosiy futbolchilar, Ake boshqa klubga o‘tishga tayyor, ammo gollandiyalik futbolchi Lyaport bilan birgalikda bu mavsum yashil maydonda nisbatan ko‘proq ko‘rinish berishi mumkin.
Kanselu va Uoker qanotlarni bo‘lishib olgan. Ammo Gvardiola uzoq vaqtdan beri tanish bo‘lgan bir futbolchiga qiziqmoqda – Mark Kukurelya. 23 yoshli himoyachi “Barselona” tarbiyalanuvchisi. O‘zi tarbiyalangan klubida unga ishonishmadi, Mark Alba bilan raqobatda mag‘lub bo‘ldi. Lekin chap qanot himoyachisi kamtarona klublarda o‘ynash ustasi bo‘lib chiqdi. “Xetafe”da o‘ynab yurgan kezlari “Brayton” skautlari e’tiborini qozondi va APLga moslashganidan so‘ng, top-klublar unga qiziqib qoldi.
“Sporting” Pedro Porro uchun klubga 8,5 million yevro to‘ladi, Zinchenko esa “Vest Xem” va “Arsenal”ni qiziqtirgan bo‘lsa, Gvardiola tahlilchilari Kukurelyaning o‘yin uslubini o‘rgandi. Futbolchini Chempionlar ligasining yarim finali yoki finali darajasiga olib chiqish kerak, ammo jingalak sochli Mark himoya va hujumda ancha sermahsul harakat qiladi. U himoyaviy “Xetafe”da o‘zini ko‘rsata oldi, atigi 23 yoshda bo‘lsa-da, barqaror o‘yin ko‘rsatdi. Fillips singari, u o‘rta darajadan yuksaldi va bunday imkoniyatga loyiq.
Gvardiolaning rejasi sir emas, u mukammal jamoa tuzish haqida qayg‘uradi. Shuning uchun Sterling ketishi haqida ham gap-so‘zlar ancha ko‘payib qoldi. Kanselu o‘zi uchun qulay o‘ng qanotda harakat qilishi uchun chap qanotda mukammal o‘yin ko‘rsatishi kerak.
Murabbiyning asosiy muammosi Xoland jarohat olmasligi uchun nimadir o‘ylab topish va ko‘p funksiyali Alvaresni jamoaga moslashtirishdan iborat. “Manchester Siti” ham “Liverpul” singari o‘zi qatnashayotgan har bir musobaqada favorit bo‘lib qoladi va Chempionlar ligasida g‘alab qozonish uchun mukammal tarkibni to‘plashga bir qadam qoldi.
