"Milan" hujumchisi Rafael Leau Italiya matbuotining maqtovlariga munosabat bildirdi. Eslatib o‘tamiz, o‘tgan mavsumda portugaliyalik futbolchi 11 ta gol urgan va 8 ta golli uzatma bilan "rossonerlar"ning A Seriyada chempion bo‘lishiga yordam bergan edi.

"Men hali yoshman, lekin men har kuni ko‘p yo‘nalishlarda o‘sishim va rivojlanishim kerakligini bilaman. Meni yosh futbolchilarga o‘rnak qilib ko‘rsatishgani ma’qul. Bu fikr meni xursand qiladi. Lekin bu ham katta mas’uliyat. Buni har kuni eslab turish kerak”, - dedi portugaliyalik Calciomercato nashriga bergan intervyusida.

Eslatib o‘tamiz, Leau "Milan"ga Fransiyaning "Lill" klubidan ko‘chib o‘tgandi. Futbolchi "Sporting" klubi tarbiyalanuvchisi hisoblanadi.