"PSJ" "Inter" bilan himoyachi Milan Shkrinyarning transferi borasida muzokaralarni davom ettirmoqda.

Football Italia nashrining jurnalist Abdell Bulmaga tayanib xabar berishicha, parijliklar klubi o‘z taklifini 65 million yevrogacha oshirgan. Milanliklar, o‘z navbatida, yoz boshida olmoqchi bo‘lgan 80 million yevrodan talabni 70 millionga qisqartirishdi.

Himoyachiga "Chelsi", "Manchester Yunayted" va "Tottenxem" ham qiziqish bildirmoqda, ammo "PSJ" asosiy da’vogar bo‘lib qolmoqda. Oldinroq parijliklar milanliklar futbolchisi bilan shaxsiy shartnoma shartlarini kelishib olgani haqida xabar berilgandi.

Shkrinyarning "Inter" bilan amaldagi shartnomasi 2023 yilda yakuniga etadi. O‘tgan mavsumda himoyachi “neradzurrilar” safida barcha turnirlarda 48 ta o‘yinda maydonga tushib, 4 ta gol urishga erishgan.