"ПСЖ" "Интер" билан ҳимоячи Милан Шкриньярнинг трансфери борасида музокараларни давом эттирмоқда.
Football Italia нашрининг журналист Абделл Булмага таяниб хабар беришича, парижликлар клуби ўз таклифини 65 миллион еврогача оширган. Миланликлар, ўз навбатида, ёз бошида олмоқчи бўлган 80 миллион евродан талабни 70 миллионга қисқартиришди.
Ҳимоячига "Челси", "Манчестер Юнайтед" ва "Тоттенхэм" ҳам қизиқиш билдирмоқда, аммо "ПСЖ" асосий даъвогар бўлиб қолмоқда. Олдинроқ парижликлар миланликлар футболчиси билан шахсий шартнома шартларини келишиб олгани ҳақида хабар берилганди.
Шкриньярнинг "Интер" билан амалдаги шартномаси 2023 йилда якунига этади. Ўтган мавсумда ҳимоячи “нерадзуррилар” сафида барча турнирларда 48 та ўйинда майдонга тушиб, 4 та гол уришга эришган.
