Madridning “Atletiko” klubi yarim himoyachisi Toma Lemar yozda APLga o‘tishi mumkin. "Arsenal" fransiyalik vingerni sotib olishni rejalashtirmoqda.

Todofichajes'ning xabariga ko‘ra, futbolchi allaqachon “kanonirlar” safiga o‘tishga tayyorligini ma’lum qilgan. Lemarning "matraschilar" bilan shartnomasi tugashiga bir yil qoldi va shartnomani ikki marta uzaytirish taklifini rad etdi. “Atletiko” futbolchini keyingi yili tekinga yo‘qotgandan ko‘ra, uni sotishi mantiqiyroq bo‘lardi. Ispanlar Tomani 40 million yevroga baholamoqda.

26 yoshli fransiyalik futbolchi 2018 yilning iyulidan buyon Madridning “Atletiko” klubida o‘ynaydi. O‘tgan mavsumda u La Liganing 24 o‘yinida 4 ta gol urdi va 5 ta golli uzatmani amalga oshirdi.