Yarim himoyachi Jo Allen "Suonsi" bilan shartnoma imzoladi, deya xabar beradi klub rasmiy sayti.
32 yoshli uelslik futbolchi bilan kelishuv 2024 yilning yoziga qadar mo‘ljallangan. Allen "Suonsi" tarbiyalanuvchisi va 2007 yildan 2012 yilgacha asosiy jamoada o‘ynagan, shundan so‘ng "Liverpul"ga o‘tgan.
Allen 2016 yildan buyon “Stok Siti” safida to‘p tepayotgan edi. O‘tgan mavsumda yarim himoyachi chempionatda 41 o‘yin o‘tkazib, bitta golga assistentlik qilgan.