"Milan"ning sobiq himoyachisi Alessio Romanyoli "Lasio"ga o‘tadi, deya xabar beradi jurnalist Janluka Di Marsio.

Manbaga ko‘ra, 27 yoshli italiyalik Rim klubi bilan 5 yillik shartnoma imzolaydi.

Qayd etilishicha, himoyachining maoshi yiliga uch million yevroni tashkil qiladi va bonuslar hisobga olinsa, 3,4 millionga ko‘tarilishi mumkin.

Yaqin kunlarda Romanyoli tibbiy ko‘rikdan o‘tadi.

Romanyoli o‘tgan mavsumda “Milan” safida barcha turnirlar doirasida 26 ta o‘yinda maydonga tushib, bitta gol va bitta golli uzatmani amalga oshirgan.