"Lill" yarim himoyachisi Renatu Sanshesh "PSJ"ga o‘tishga yaqin turibdi, deya xabar beradi RMC Sport.
Manba bergan xabarga ko‘ra, 24 yoshli portugaliyalik futbolchi "Milan"dan qiziqish bo‘lishiga qaramay, Parij klubiga o‘tishga qaror qilgan.
Qayd etilishicha, yarim himoyachi borasidagi muzokaralar yaxshi ketmoqda va transfer yaqin kunlarda e’lon qilinishi mumkin.
Sanshesh o‘tgan mavsumda "Lill" safida 32 ta o‘yinda maydonga tushib, 2 ta gol urdi va 5 ta golli uzatmani amalga oshirdi. Uning klub bilan shartnomasi 2023 yilning 30 iyuniga qadar amal qiladi.