"Tottenxem" hujumchisi Xarri Keyn yozgi transfer oynasida "Bavariya"ga o‘tmaydi, deb yozdi jurnalist Fabrisio Romano tvitterda.

Manba bergan xabarga ko‘ra, 28 yoshli angliyalikning transferi bo‘yicha klublar o‘rtasida hech qanday muhokama va muzokaralar bo‘lmagan.

Qayd etilishicha, "Tottenxem" prezidenti Daniyel Levi, sport direktori Fabio Paratichi va bosh murabbiy Antonio Konte yozda hujumchini sotish haqida o‘ylamagan.

Shu bilan birga, "shporlar" yaqin vaqt ichida Keyn bilan yangi shartnomani muhokama qilmoqchi.

Keyn o‘tgan mavsumda londonliklar safida 50 ta o‘yinda maydonga tushib, 27 ta gol urdi va 10 ta golli uzatmani amalga oshirdi. Hujumchining klub bilan shartnomasi 2024 yilning 30 iyuniga qadar mo‘ljallangan.