Uelslik sobiq futbolchi Rayan Giggz ser Aleks Fergyuson davridagi "Manchester Yunayted"ning eng taniqli futbolchilaridan biri edi. 90-yillardagi afsonaviy jamoani usiz tasavvur qilish qiyin edi. Biroq, Giggzni "Manchester Yunayted"da Fergyuson umuman yoqtirmasdi.

Bir marta Giggz o‘zining soddaligi bilan tarixga kirdi. Jamoa sardori Brayan Robson unga hazillashishga qaror qildi va klub rahbariyati Giggzga xizmat mashinasi sovg‘a qilmoqchi ekanligini aytdi, bu haqda Fergyuson bilan gaplashish va qanday rusumdagi avtomobil kerak ekanligini muhokama qilish kerak dedi. Giggz esa gaplashgani SAFning xonasiga ketdi...

"O‘sha paytga qadar men klub uchun 20 ta, balki 25 ta o‘yin o‘tkazgan edim va bu o‘shanda ham ikkinchi jamoa uchun... Robson avvallari men bilan haqiqatan ham hazillashmagan va men uni jiddiy deb o‘ylagandim. Men haqiqatan ham mashina so‘ragani bordim. O‘shanda biz Audi va VW Passat rusumli avtomobillardan foydalanardi. Men Fergyusonga: “Janob, men Rayan Giggzman, men asosiy jamoa o‘yinchisi bo‘laman, xizmat mashinasiga ishonsam bo‘ladimi?” dedim.

Uning menga qarashi... Men uning qiyofasi qanday o‘zgarib borayotganini ko‘rdim va hali gapim tugamay turib, u asabiylasha boshladi va har xil noxush so‘zlarni chaqira boshladi hamda men hali xizmat velosipediga yarasha mehnat qilmaganimni aniq aytdi. Keyin u o‘zi meni ko‘chaga uloqtirmasdan oldin tezroq kabinetidan chiqib ketishimni bildirdi. Men tashqariga chiqdim, u yerda jamoaning yarmi ustimdan kulishdi - ular Fergyusonning bunday holatlarga qanday munosabatda bo‘lishini juda yaxshi bilishardi. Bu men uchun qimmatli saboq bo‘ldi", - deya Giggz so‘zlarini keltiradi ilposticipo.it sayti.