«Manchester Yunayted» bosh murabbiyi Erik ten Xag hujumchi Krishtianu Ronalduning kelajagi borasida to‘xtalib o‘tdi.

– Krishtianuning jamoa bilan shartnomasi yakunlanishiga bir yil qolganini inobatga olgan holda jamoa o‘yinini yo‘lga qo‘yish qanchalik qiyin bo‘ladi?
– Menga ma’lum bo‘lishicha, shartnomani yana bir yilga uzaytirish borasida band mavjud. Ha, u yana bir mavsumga jamoada qolishi mumkin. Ammo, ochig‘ini aytsam, men "MYU" bilan tuzgan 3 yillik shartnoma ham uzoq muddat hisoblanmaydi. Biz ilk o‘yindanoq g‘alaba qozona boshlashimiz kerak. Uzoqqa nazarda tashlamayapman.

Menda strategiya bor. Uning ustida ishlash uchun vaqt kerak. Ammo biz eng boshidanoq g‘alabani ko‘zlagan jamoa bo‘lishimiz zarur.

– Ronaldu bilan gaplashdingizmi?
– Vaziyat hamon o‘zgarmadi.

– Ronaldu pressing borasida talablaringizga javob bera oladimi?
– O‘ylashimcha, bunga uning kuchi yetadi. Faoliyati davomida u buni isbotlagan. Mening o‘z talablarim bor va o‘z uslubim bor. Top-futbolchilar jamoa muvaffaqiyatiga hissa qo‘sha olishadi. Ronaldu esa top-futbolchi hisoblanadi.

Jamoa ixtiyorida qanday futbolchilar borligidan kelib chiqib o‘yin uslubini yaratamiz. Ayniqsa, bu to‘purarlarga bog‘liq. Ular jamoa uchun favqulotda muhim hisoblanishadi. O‘yin ularning atrofida tuziladi.