"Udenize"ning ispaniyalik vingeri Jerar Delofeu joriy transfer oynasida klubini o‘zgartirishga yaqin turibdi. La Gazzetta dello Sport nashri xabariga ko‘ra, hujumkor yarim himoyachi "Napoli"ga o‘tishi mumkin.

Klublar allaqachon muzokaralar olib borgan va kelishuvga erishgan. Transfer uchun tovon puli 20 million yevroni tashkil qiladi. Jerarning neapolliklar jamoasidagi maoshi yiliga 2,5 mln.

Italiya chempionatining so‘nggi mavsumida Delofeu eng yaxshi hujumkor o‘yinchilardan biriga aylandi. 28 yoshli ispaniyalik futbolchi A Seriyaning 34 ta uchrashuvida 13 ta gol va 5 ta golli uzatmaga mualliflik qilgan.