"Barselona" "Arsenal" himoyachisi Ektor Belyerinni sotib olishni ko‘rib chiqmoqda.

Futbolchi o‘tgan mavsumni "Betis"da ijara asosida o‘tkazgan, shundan so‘ng yana "Arsenal"ga qaytgandi. "Kanonirlar" bosh murabbiyi Mikel Arteta yangi mavsumda futbolchiga umid qilmayapti.

Andalusiya klubi futbolchini ortga qaytarishga qarshi emas, ammo klub himoyachining narxidan qoniqmayapti.

Ayni paytda "Barselona" Belyeringa qiziqib qolgan. Fichajesning so‘zlariga ko‘ra, kataloniyaliklar futbolchini Sesar Aspilikuetaning transferi muvaffaqiyatsizlikka uchrasa, uning o‘rniga o‘rinbosar sifatida ko‘rmoqda.

Himoyachi o‘tgan mavsumda La Ligada 23 ta o‘yinda maydonga tushib, 2 ta golli uzatmani amalga oshirgan.