"Барселона" "Арсенал" ҳимоячиси Эктор Бельеринни сотиб олишни кўриб чиқмоқда.
Футболчи ўтган мавсумни "Бетис"да ижара асосида ўтказган, шундан сўнг яна "Арсенал"га қайтганди. "Канонирлар" бош мураббийи Микель Артета янги мавсумда футболчига умид қилмаяпти.
Андалусия клуби футболчини ортга қайтаришга қарши эмас, аммо клуб ҳимоячининг нархидан қониқмаяпти.
Айни пайтда "Барселона" Бельеринга қизиқиб қолган. Fichajesнинг сўзларига кўра, каталонияликлар футболчини Сесар Аспиликуэтанинг трансфери муваффақиятсизликка учраса, унинг ўрнига ўринбосар сифатида кўрмоқда.
Ҳимоячи ўтган мавсумда Ла Лигада 23 та ўйинда майдонга тушиб, 2 та голли узатмани амалга оширган.
