"Inter"ning sobiq darvozaboni Marko Balotta "neradzurrilar" chempionlikni qaytarib olishiga shubha qilmayapti.
O‘tgan mavsumda "Inter" "Milan"dan ikki ochko ortda qolgandi, undan oldingi mavsumda esa Italiya chempioniga aylangandi. Hozirda "Inter" va "Milan" 19 tadan chempionlikka ega, ammo ular bu ko‘rsatkich bo‘yicha Turinning "Yuventus" jamoasidan deyarli ikki baravar ortda qolishdi.
"Nazarimda, "Inter"ning bazasi juda mustahkam. Ishonamanki, bu klub keyingi mavsumda o‘z so‘zini aytadi. Ayniqsa, Lukakuning qaytishi munosabati bilan”, - dedi sobiq darvozabon One Station Radio bilan suhbatda.
Italiya chempionati 13 avgust kuni boshlanadi, birinchi turda "Inter" klubi mehmonda "Lechche" bilan kuch sinashadi.
