“Chelsi” yarim himoyachisi Xakim Ziyeshga hamon “Milan” qiziqish bildirmoqda. Bu haqda jurnalist Nikolo Skira xabar berdi.
Marokashlik futbolchi “Chelsi”ni tark etmoqchi, chunki u bosh murabbiy Tomas Tuxelning rejalariga kirmaydi. Ziyeshning agenti futbolchini shu yozda ijaraga boshqa jamoaga o‘tkazish ustida ishlamoqda, biroq shartnomada sotib olish bandi bo‘lishi kerak.
To‘siq - yarim himoyachining maoshi. Hozirda Ziyesh "Chelsi"da mavsumiga 6 million yevro oladi, milanliklar 4 million yevro to‘lashga tayyor.
29 yoshli Ziyeshning "aristokratlar" bilan shartnomasi 2025 yilning yoziga qadar tuzilgan.
