“Челси” ярим ҳимоячиси Хаким Зиешга ҳамон “Милан” қизиқиш билдирмоқда. Бу ҳақда журналист Николо Скира хабар берди.
Марокашлик футболчи “Челси”ни тарк этмоқчи, чунки у бош мураббий Томас Тухелнинг режаларига кирмайди. Зиешнинг агенти футболчини шу ёзда ижарага бошқа жамоага ўтказиш устида ишламоқда, бироқ шартномада сотиб олиш банди бўлиши керак.
Тўсиқ - ярим ҳимоячининг маоши. Ҳозирда Зиеш "Челси"да мавсумига 6 миллион евро олади, миланликлар 4 миллион евро тўлашга тайёр.
29 ёшли Зиешнинг "аристократлар" билан шартномаси 2025 йилнинг ёзига қадар тузилган.
