"PSJ" bugun "Inter" vakillari bilan uchrashuv o‘tkazib, himoyachi Milan Shkrinyarning transferini muhokama qiladi, deb xabar beradi Sportitalia.
Manbaga ko‘ra, parijliklar 60 million yevroni tashkil etgan va italiyaliklar tomonidan rad etilgan dastlabki taklifni oshirishga tayyor.
"Chelsi" vaziyatni kuzatmoqda, biroq londonliklar uchun 27 yoshli slovakiyalikni taklif bilan chiqish varianti ortda qoldi. Angliyaliklar "Sevilya" himoyachisi Jyul Kundeni o‘z safiga qo‘shib olmoqchi.
2021/22-yilgi mavsumda Shkrinyar “Inter” safida 48 ta o‘yinda maydonga tushib, 4 ta gol urdi. Himoyachining klub bilan amaldagi shartnomasi 2023 yilning iyun oyi oxirigacha amal qiladi.
