"ПСЖ" бугун "Интер" вакиллари билан учрашув ўтказиб, ҳимоячи Милан Шкриньярнинг трансферини муҳокама қилади, деб хабар беради Sportitalia.
Манбага кўра, парижликлар 60 миллион еврони ташкил этган ва италияликлар томонидан рад этилган дастлабки таклифни оширишга тайёр.
"Челси" вазиятни кузатмоқда, бироқ лондонликлар учун 27 ёшли словакияликни таклиф билан чиқиш варианти ортда қолди. Англияликлар "Севилья" ҳимоячиси Жюл Кундени ўз сафига қўшиб олмоқчи.
2021/22-йилги мавсумда Шкриньяр “Интер” сафида 48 та ўйинда майдонга тушиб, 4 та гол урди. Ҳимоячининг клуб билан амалдаги шартномаси 2023 йилнинг июн ойи охиригача амал қилади.
