«Bunyodkor» futbolchisi Fransis Narx Minskdagi yig‘in davomida Belarus matbuotiga intervyu berdi. Ushbu futbolchi faoliyati davomida Belarusning "Slaviya" klubi sharafini himoya qilgan.

"Albatta, Belarusga qaytganimdan xursandman. Bu yer menga uyimdek bo‘lib qolgan. Lekin O‘zbekistonda ham o‘zimni yaxshi his qilyapman.

Belarus va O‘zbekiston chempionatlarini taqqoslash? O‘ylashimcha, Belarusda futbol kuchliroq. Bu yerda kuchga asoslangan futbol o‘ynaladi. Ko‘p yugurardik, yakkakurashlarda ko‘p ishtirok etardim. O‘zbekistonda esa ko‘proq taktik futbol namoyish etiladi.

Qachondir Belarusga qaytamanmi? Bo‘lishi mumkin. Mozir shahrida do‘stlarim ko‘p — o‘yinchilar va muxlislar. U yerda oilam bor desam ham bo‘ladi", — dedi Narx.