"Barselona"ning yangi himoyachisi Jyul Kunde "Sevilya" muxlislari bilan xayrlashdi.
“Klubga kelganimdan beri menga ko‘rsatgan qo‘llab-quvvatlash uchun, sevgi uchun, hamma narsa uchun rahmat. "Sevilya" sharafini himoya qilish va klub libosini kiyish men uchun sharaf bo‘ldi”, - deydi Kunde.
Kundening qo‘shimcha qilishicha, u Andalusiya klubi uchun Chempionlar ligasidagi ilk o‘yinini, Yevropa ligasidagi g‘alabasini va Ispaniya klubidagi o‘yinlari evaziga Fransiya terma jamoasiga ilk chaqiruvini abadiy eslab qoladi.
Kunde "Sevilya"ga 2019 yilda "Bordo"dan kelib qo‘shilgan va jamoada uch yil o‘ynagan.
O‘tgan mavsumda futbolchi La Ligada 32 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
