“Inter” himoyachisi Valentino Lazaro faoliyatini “Torino”da davom ettiradi. Turin klubi futbolchini sotib olish imkoniyati bilan ijaraga oldi, deya xabar beradi jamoa sayti.
26 yoshli avstriyalik futbolchi so‘nggi mavsumni ham ijara asosida o‘tkazdi. U Portugaliyaning "Benfika" jamoasida o‘ynagan.
“Inter” himoyachini 2019 yilda “Gerta”dan 20 million yevrodan ko‘proq evaziga sotib olgandi. Biroq keyinchalik klub uni “Nyukasl” va “Borussiya M”ga ijaraga berdi.
Lazaroning milan klubi bilan shartnomasi 2024 yilning yoziga qadar mo‘ljallangan.
