"Yuventus" "Lion"ning braziliyalik yarim himoyachisi Lukas Paketa uchun navbatdagi da’vogarga aylandi, deb xabar beradi Calciomercato.
Manbaning xabariga ko‘ra, italyan klubi yozgi transfer oynasida futbolchini sotib olish variantini ko‘rib chiqmoqda. Avvalroq yarim himoyachiga "Arsenal" va "Manchester Siti" klublari qiziqish bildirayotgani haqida xabarlar tarqalgan edi.
24 yoshli Paketa o‘tgan mavsumda "Lion" safida barcha turnirlar doirasida 42 ta o‘yinda maydonga tushib, 10 ta gol urdi va 7 ta golga assistentlik qildi. Uning klub bilan shartnomasi 2025 yilning yoziga qadar mo‘ljallangan.