"Ювентус" "Лион"нинг бразилиялик ярим ҳимоячиси Лукас Пакета учун навбатдаги даъвогарга айланди, деб хабар беради Calciomercato.
Манбанинг хабарига кўра, итальян клуби ёзги трансфер ойнасида футболчини сотиб олиш вариантини кўриб чиқмоқда. Аввалроқ ярим ҳимоячига "Арсенал" ва "Манчестер Сити" клублари қизиқиш билдираётгани ҳақида хабарлар тарқалган эди.
24 ёшли Пакета ўтган мавсумда "Лион" сафида барча турнирлар доирасида 42 та ўйинда майдонга тушиб, 10 та гол урди ва 7 та голга ассистентлик қилди. Унинг клуб билан шартномаси 2025 йилнинг ёзига қадар мўлжалланган.
