"Real Madrid"ning mavsumoldi tayyorgarlik jarayoni yakunlandi: jamoa AQSH safari davomida uchta o‘rtoqlik o‘yini o‘tkazdi va ularda g‘alaba qozondi, durang o‘ynadi va mag‘lub bo‘ldi. Biz esa ushbu uchrashuvlarda eng yaxshi taassurot qoldirgan futbolchilarning ro‘yxatini tuzib chiqdik.

Karim Benzema

Fransiyalik futbolchi mashg‘ulotlarga qolganlardan kechroq qaytganiga qaramay, u ajoyib formada ekanligini isbotladi va hatto mavsumoldi uchrashuvida ham raqiblari darvozasini ishg‘ol qildi..

Eduardo Kamavinga

Vunderkind bu o‘yinlarda yetarlicha daqiqa o‘ynashi kerak edi. Kamavinga ijodkorlik va himoyaviy o‘yin qobiliyatni o‘zida uyg‘unlashtirgan har tomonlama yaxshi futbolchi ekanligini yana bir bor isbotladi. Uning "Amerika"ga qarshi o‘yini, albatta, uzoq vaqt esda qoladi.

Toni Kroos

Nemis futbolchisi "Yuventus"ga qarshi ajoyib o‘yin o‘tkazdi va boshqa o‘yinlarda ham yomon taasurot qoldirmadi. Agar Kroos o‘zining yaxshi formasini saqlab qolsa, unda asosiy tarkibda o‘ynashda muammo bo‘lmaydi. 

Fede Valverde

Anchelotti o‘ng qanotda Valverdedan foydalanishda davom etmoqda, chunki uni eng ishonchli futbolchilardan biri deb biladi. Mavsum oldidan urugvaylik futbolchi yana bir bor o‘zining serqirraligini namoyish etdi.

Luka Modrich

U bilan "Real Madrid" boshqa jamoa usiz umuman boshqa, bu borada bahslashish juda qiyin. “Barselona”ga qarshi o‘yin buni yaqqol isbotladi. Maydonga tushganidan so‘ng xorvat o‘yin nazoratini o‘z qo‘liga oldi.

Eden Azar

31 yoshli futbolchida qusurlar yo‘q emas edi, lekin biz uning yangi pozisiyasida yaxshi ko‘rinishga ega ekanligiga ishonch bildirishimiz kerak. Anchelotti uni yolg‘onchi to‘qqizlik sifatida ishlatdi va bu mavsumda Eden Benzemaning yordamchisi bo‘ladi shekilli (agar yangi hujumchi kelmasa, albatta). Azar hatto gol urdi va ajoyib golga uzatma ham berdi.