"Реал Мадрид"нинг мавсумолди тайёргарлик жараёни якунланди: жамоа АҚШ сафари давомида учта ўртоқлик ўйини ўтказди ва уларда ғалаба қозонди, дуранг ўйнади ва мағлуб бўлди. Биз эса ушбу учрашувларда энг яхши таассурот қолдирган футболчиларнинг рўйхатини тузиб чиқдик.

Карим Бензема

Франциялик футболчи машғулотларга қолганлардан кечроқ қайтганига қарамай, у ажойиб формада эканлигини исботлади ва ҳатто мавсумолди учрашувида ҳам рақиблари дарвозасини ишғол қилди..

Эдуардо Камавинга

Вундеркинд бу ўйинларда етарлича дақиқа ўйнаши керак эди. Камавинга ижодкорлик ва ҳимоявий ўйин қобилиятни ўзида уйғунлаштирган ҳар томонлама яхши футболчи эканлигини яна бир бор исботлади. Унинг "Америка"га қарши ўйини, албатта, узоқ вақт эсда қолади.

Тони Кроос

Немис футболчиси "Ювентус"га қарши ажойиб ўйин ўтказди ва бошқа ўйинларда ҳам ёмон таасурот қолдирмади. Агар Кроос ўзининг яхши формасини сақлаб қолса, унда асосий таркибда ўйнашда муаммо бўлмайди. 

Феде Вальверде

Анчелотти ўнг қанотда Валвердедан фойдаланишда давом этмоқда, чунки уни энг ишончли футболчилардан бири деб билади. Мавсум олдидан уругвайлик футболчи яна бир бор ўзининг серқирралигини намойиш этди.

Лука Модрич

У билан "Реал Мадрид" бошқа жамоа усиз умуман бошқа, бу борада баҳслашиш жуда қийин. “Барселона”га қарши ўйин буни яққол исботлади. Майдонга тушганидан сўнг хорват ўйин назоратини ўз қўлига олди.

Эден Азар

31 ёшли футболчида қусурлар йўқ эмас эди, лекин биз унинг янги позициясида яхши кўринишга эга эканлигига ишонч билдиришимиз керак. Анчелотти уни ёлғончи тўққизлик сифатида ишлатди ва бу мавсумда Эден Бенземанинг ёрдамчиси бўлади шекилли (агар янги ҳужумчи келмаса, албатта). Азар ҳатто гол урди ва ажойиб голга узатма ҳам берди.