"Brayton" himoyachisi Mark Kukurelyani "Chelsi"ga sotish bo‘yicha kelishuvni rad etdi, deya xabar beradi klub matbuot xizmati.
"Bugun oqshom ko‘plab OAVlarning noto‘g‘ri xabarlaridan farqli o‘laroq, hech qaysi klub bilan Mark Kukurelyani sotish bo‘yicha kelishuvga erishilmagan", - deyiladi klub bayonotida.
Xabar qilinishicha, 24 yoshli ispaniyalik "Chelsi" bilan 2028 yilgacha mo‘ljallangan shartnoma imzolaydi. Sky Sports xabariga ko‘ra, londonliklar futbolchi uchun 52,5 million funt to‘laydi.
Bundan tashqari, "Chelsi" himoyachisi Levi Kolvill "Brayton"ga o‘tadi. 19 yoshli angliyalik futbolchi o‘tgan mavsumda "Xaddersfild"da ijara asosida o‘ynadi. Klub uchun 32 o‘yinda u 2 ta gol urgan.