"Брайтон" ҳимоячиси Марк Кукурельяни "Челси"га сотиш бўйича келишувни рад этди, дея хабар беради клуб матбуот хизмати.
"Бугун оқшом кўплаб ОАВларнинг нотўғри хабарларидан фарқли ўлароқ, ҳеч қайси клуб билан Марк Кукурельяни сотиш бўйича келишувга эришилмаган", - дейилади клуб баёнотида.
Хабар қилинишича, 24 ёшли испаниялик "Челси" билан 2028 йилгача мўлжалланган шартнома имзолайди. Sky Sports хабарига кўра, лондонликлар футболчи учун 52,5 миллион фунт тўлайди.
Бундан ташқари, "Челси" ҳимоячиси Леви Колвилл "Брайтон"га ўтади. 19 ёшли англиялик футболчи ўтган мавсумда "Хаддерсфилд"да ижара асосида ўйнади. Клуб учун 32 ўйинда у 2 та гол урган.
