"Atletiko", "Chelsi" va Ispaniya terma jamoasining sobiq hujumchisi Diyego Kosta faoliyatini "Rayo Valyekano"da davom ettirishi mumkin.
AS xabariga ko‘ra, 33 yoshli hujumchi klub prezidenti Raul Martin Presa bilan shartnoma borasida shaxsan muzokara olib borgan. Manbaga ko‘ra, Kostaning maoshi soliqlarsiz yiliga taxminan 1,5 million yevroni tashkil qiladi.
Shu bilan birga, “Rayo”da hamma ham Kostaning transferiga rozi emas. Xususan, hatto bosh murabbiy Andoni Iraola ham Diyego ayni damda klubga kerakli futbolchi ekanligiga ishonchi komil emas. Biroq, Presa shaxsan muzokara olib bordi va tashabbusni o‘z qo‘liga oldi.
Kostaning so‘nggi klubi Braziliyaning "Atletiko Mineyro" jamoasi bo‘lib, u 2022 yilning boshida uni tark etgan. Olti oydan ko‘proq vaqt davomida Diyego erkin agent maqomida bo‘lib turibdi.