"Lasio" bosh murabbiyi Maurisio Sarri yarim himoyachi Luis Alberto faoliyatini "Sevilya"da davom ettirmoqchi ekanligini aytdi.
"Luis Alberto "Sevilya"ga o‘tmoqchi. Ammo uning yozda jamoani tark etishi aniq emas", - deya Sarridan iqtibos keltiradi Correira Dello Sport.
Xabarlarga ko‘ra, klublar o‘rtasida muzokaralar davom etmoqda, biroq hozircha kelishuv yo‘q.
2021/22 yilgi mavsumda Alberto "Lasio" safida barcha turnirlar doirasida 44 ta o‘yinda maydonga tushib, 5 ta gol urdi va 12 ta golli uzatmani amalga oshirdi. 29 yoshli ispaniyalikning shartnomasi 2025 yilning yoziga qadar mo‘ljallangan.