"Komo" yarim himoyachisi Fransesk Fabregas "PSJ" hujumchisi Lionel Messining kelajagi haqida o‘z fikri bilan o‘rtoqlashdi. U 35 yoshli argentinalik futbolchi Kataloniya klubiga qaytishiga umid bildirdi.
"Barselona" muxlisi sifatida Messi "Barselona"ga qaytadi deb umid qilaman", - dedi Fabregas. - Bu klubning ham, barcha muxlislarning ham orzusi. Lionelning "PSJ" bilan shartnomasi yana bir yilga mo‘ljallangan, lekin men uning qaytishini juda xohlardim. Men buni muxlis sifatida gapiryapman”.
O‘tgan mavsumda Messi parijliklar safida barcha musobaqalarda 34 ta o‘yinda maydonga tushib, 11 ta gol urdi va 15 ta golga assistentlik qildi. Hujumchining klub bilan shartnomasi 2023 yilning 30 iyuniga qadar mo‘ljallangan.
Argentinalik futbolchi 2021 yilning 10 avgustida Parij klubiga o‘tgan edi.
