"Napoli" yarim himoyachisi Fabian Ruis faoliyatini "PSJ"da davom ettirishga yaqin turibdi.
Futbolchi neapolliklar klubida qolishni istamayapti, shu bois uning o‘zi transferni talab qilmoqda. Uning "Napoli" bilan shartnomasi 2023 yilning yoziga qadar mo‘ljallangan. "Napoli" futbolchini tekinga yo‘qotmaslik uchun Ruisni sotishni o‘ylamoqda.
"PSJ" 26 yoshli ispaniyalik uchun 25 million yevro to‘lashga tayyor. Hozirda klublar kelishuv ustida ishlamoqda.
2021/22 yilgi mavsumda Ruis A Seriyaning 32 ta uchrashuvida 7 ta gol urdi va 4 ta golli uzatmani amalga oshirdi.
