"Наполи" ярим ҳимоячиси Фабиан Руис фаолиятини "ПСЖ"да давом эттиришга яқин турибди.
Футболчи неаполликлар клубида қолишни истамаяпти, шу боис унинг ўзи трансферни талаб қилмоқда. Унинг "Наполи" билан шартномаси 2023 йилнинг ёзига қадар мўлжалланган. "Наполи" футболчини текинга йўқотмаслик учун Руисни сотишни ўйламоқда.
"ПСЖ" 26 ёшли испаниялик учун 25 миллион евро тўлашга тайёр. Ҳозирда клублар келишув устида ишламоқда.
2021/22 йилги мавсумда Руис А Сериянинг 32 та учрашувида 7 та гол урди ва 4 та голли узатмани амалга оширди.
