"Manchester Yunayted" himoyachisi va sardori Garri Maguayr mankunianliklar klubiga hujumchi Krishtianu Ronalduning qaytishiga nima sabab bo‘lgani haqidagi savolga javob berdi. Shuningdek, u 37 yoshli portugaliyalikning ketishi mumkinligi haqidagi mish-mishlarga izoh berdi.
"Gollar", - deya Maguayr so‘zlaridan iqtibos keltiradi Sky Sports.
— Ronaldu ajoyib xarakterga ega ajoyib futbolchi. Uning "Manchester Yunayted"da bo‘lishi juda yoqimli.
O‘zingiz haqingizda ko‘p mish-mishlarni eshitish nima ekanligini bilaman, lekin Krishtianu bunga tez-tez duch keladi. Uning har qanday harakati diqqat bilan o‘rganiladi. Bunga "Manchester Yunayted"dek katta klubda o‘ynash orqali erishasiz. Ammo ishlar yaxshi ketsa, ko‘p maqtovga sazovor bo‘lasiz. Bu — futbol."
7 avgust, yakshanba kuni “Manchester Yunayted” Angliya Premyer-ligasining 1-tur uchrashuvida “Brayton” bilan o‘ynaydi. Uchrashuv Toshkent vaqti bilan soat 18:00da boshlanadi.
O‘yin Manchesterdagi "Old Trafford" stadionida bo‘lib o‘tadi.
