"Liverpul" amaldagi shartnomasi tugashiga atigi bir yil qolgan yarim himoyachi Nabi Keytani o‘zi safida saqlab qolmoqchi. Bu haqda mahalliy Livepool Echo nashri xabar bermoqda.
Eslatib o‘tamiz, Keyta 2018 yilning yozida "Liverpul"ga ko‘chib o‘tgandi, ammo o‘shandan beri u o‘z transferini oqlay olmayapti. Yarim himoyachi asosiy tarkib futbolchisiga aylanmadi va tez-tez jarohat oldi.
Biroq, nisbatan barqaror o‘tgan mavsumdan so‘ng, "Liverpul" yarim himoyachini yangi shartlar bilan shartnoma imzolab, uni o‘z safida saqlab qolmoqchi.
Eslatib o‘tamiz, hujumchi Muhammad Saloh bir necha hafta oldin "mersisaydliklar" bilan shartnomani uzaytirgan edi.
