"Ливерпуль" амалдаги шартномаси тугашига атиги бир йил қолган ярим ҳимоячи Наби Кейтани ўзи сафида сақлаб қолмоқчи. Бу ҳақда маҳаллий Livepool Echo нашри хабар бермоқда.
Эслатиб ўтамиз, Кейта 2018 йилнинг ёзида "Ливерпул"га кўчиб ўтганди, аммо ўшандан бери у ўз трансферини оқлай олмаяпти. Ярим ҳимоячи асосий таркиб футболчисига айланмади ва тез-тез жароҳат олди.
Бироқ, нисбатан барқарор ўтган мавсумдан сўнг, "Ливерпуль" ярим ҳимоячини янги шартлар билан шартнома имзолаб, уни ўз сафида сақлаб қолмоқчи.
Эслатиб ўтамиз, ҳужумчи Муҳаммад Салоҳ бир неча ҳафта олдин "мерсисайдликлар" билан шартномани узайтирган эди.
