"Barselona" muxlislari klub bazasida yarim himoyachi Frenki de Yong va hujumchi Martin Breytueytni qattiq tanqid qilishdi.

Futbolchilar avtoturargohga kirishayotganda muxlislar de Yongga: "Maoshingni kamaytir, ****", deya baqirishgan.

Biroz vaqt o‘tgach, muxlislar Breytueytga: "Bu yerdan ket,****", - deyishgan.

Klub hozircha ikkala voqeaga izoh bermadi.

Oldinroq Breytueyt "Barsa'ni tark etishdan bosh tortgani, jumladan, tekin transferga rozi bo‘lmayotgani, chunki u qolgan ikki yil uchun maoshni to‘liq olish niyatida ekani xabar qilingandi.

Kataloniyaliklar, shuningdek, De Yongning maoshini 40 foizga qisqartirmoqchi va hatto uning amaldagi shartnomasini bekor qilmoqchi.