"Chelsi" klubidagi o‘yinlari bilan tanilgan hujumkor yarim himoyachi Villian Yevropaga qaytishi mumkin. Tajribali futbolchi hozirgi jamoasi - "Korintians" bilan shartnomani bekor qilishga qaror qildi.
“Shartnoma bo‘yicha qolgan to‘lovlarni rad etishga tayyorman. Ha, bu yerdagi o‘yinim kutilgandek bo‘lmadi, lekin men hech qachon bir mavsumda 20 ta gol uradigan futbolchi bo‘lmaganman”, — deya o‘z qarorini izohladi braziliyalik futbolchi.
Villian Angliya futboliga qaytishni rejalashtirayotgani avvalroq xabar qilingandi. Futbolchining xizmatlariga Londonning “Fulxem” klubi qiziqish bildirmoqda.
