"Челси" клубидаги ўйинлари билан танилган ҳужумкор ярим ҳимоячи Виллиан Европага қайтиши мумкин. Тажрибали футболчи ҳозирги жамоаси - "Коринтианс" билан шартномани бекор қилишга қарор қилди.
“Шартнома бўйича қолган тўловларни рад этишга тайёрман. Ҳа, бу ердаги ўйиним кутилгандек бўлмади, лекин мен ҳеч қачон бир мавсумда 20 та гол урадиган футболчи бўлмаганман”, — дея ўз қарорини изоҳлади бразилиялик футболчи.
Виллиан Англия футболига қайтишни режалаштираётгани аввалроқ хабар қилинганди. Футболчининг хизматларига Лондоннинг “Фулхэм” клуби қизиқиш билдирмоқда.
