Madridning “Atletiko” klubi “Manchester Yunayted”ning hujumchi Joau Feliksni sotib olish bo‘yicha taklifini rad etdi, deya xabar beradi AS nashri.
Manbaga ko‘ra, ingliz klubi 22 yoshli portugaliyalik uchun 130 million yevro taklif qilgan. "Atletiko" o‘z navbatida "Manchester Yunayted"ga futbolchini 350 million yevroga sotib olish bandiga ishora qildi.
Feliks o‘tgan mavsumda "matraschilar" safida 34 ta o‘yinda 10 ta gol urdi va 6 ta golli uzatmani amalga oshirdi. Hujumchining "Atletiko" bilan shartnomasi 2026 yilning 30 iyuniga qadar mo‘ljallangan.