Мадриднинг “Атлетико” клуби “Манчестер Юнайтед”нинг ҳужумчи Жоау Феликсни сотиб олиш бўйича таклифини рад этди, дея хабар беради AS нашри.
Манбага кўра, инглиз клуби 22 ёшли португалиялик учун 130 миллион евро таклиф қилган. "Атлетико" ўз навбатида "Манчестер Юнайтед"га футболчини 350 миллион еврога сотиб олиш бандига ишора қилди.
Феликс ўтган мавсумда "матрасчилар" сафида 34 та ўйинда 10 та гол урди ва 6 та голли узатмани амалга оширди. Ҳужумчининг "Атлетико" билан шартномаси 2026 йилнинг 30 июнига қадар мўлжалланган.